Шығыс Қазақстан техникалық университетінде "Лу Бань атындағы шеберхана" ашылады. Бұл туралы ғылым және жоғары білім министрлігінің баспасөз қызметі хабарлады.
"Мемлекет басшысының ҚХР-ға жасаған сапары барысында мемлекеттік деңгейде ШҚО әкімдігі мен Тяньцзинь қаласының халық үкіметі аталған шеберхананы құру туралы келісімге қол қойды. Сондай-ақ, университет пен кәсіби институт арасында өзара келісімшарт жасалды" – делінген хабарламада.
Оқи отырыңыз: Қытайдағы ең ірі JD сауда платформасына Қазақстанның 15 өндірушісінің өнімі қойылады
Жоба екі мемлекет арасындағы қолданбалы технологиялар және жоғары техникалық білім беру саласындағы ынтымақтастықты одан әрі нығайтуды көздейді.
"Қазақстан арқылы 5 темір және 6 автомобиль жолы және жалпы 11 халықаралық дәліз өтеді. Бұл шығыс пен батыс арасындағы ең ірі транзиттік байланыс болғандықтан көліктің барлық түріне, гибридті және электромобильдерге қызмет көрсете алатын мамандар қажет. "Лу Бань атындағы шеберхана" жүргізетін "Автокөліктік құралдар" оқу бағдарламаларының тобы еліміздегі кадрлық сұранысты толықтырады" – делінген хабарламада.
