Шығыс Қазақстан облысында Латвияның екі азаматы сотталды

Фото Depositphotos.com
Фото Depositphotos.com
Тәркіленген есірткінің "қара" нарықтағы құны 3,5 миллиард теңгеден асады.

Шығыс Қазақстан облысында Латвияның екі азаматы 11 жылға сотталды, деп хабарлайды бас прокуратура.

Былтыр жазда облыста синтетикалық есірткі өндіруге арналған жасырын зертхана анықталған болатын. Тінту кезінде 125 кг мефедрон (630 мың бір реттік доза), 500 литр прекурсорлар және тәулігіне 30 кг синтетикалық есірткі өндіретін зертханалық жабдық тәркіленді. Тәркіленген есірткінің "қара" нарықтағы құны 3,5 миллиард теңгеден асады. Сол кезде Латвияның екі азаматы ұсталды.

Қылмыстық іс сотта үш ай бойы қаралды. Сот процесі барысында айыпталушылардың кінәсі толық дәлелденді. Ал прокурор жасырын цехты ұйымдастырғандарды 11 жыл бас бостандығынан айыруды сұрады.

ШҚО-ның қылмыстық істер жөніндегі мамандандырылған ауданаралық соты Латвияның екі азаматын 11 жылға бас бостандығынан айыруға үкім шығарды. Екеуі жазаны қауіпсіздігі орташа түзеу мекемесінде өтейді.

Сот үкімі заңды күшіне енген жоқ.

Бұл мақала сізге пайдалы болды ма?
1

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары