ШҚО-да облыстық қылмыстық-атқару жүйесі департаментінің қызметкерлері ірі көлемде қаражат ұрлағаны үшін сотталды.
Антикор мәліметінше, Өскемен қаласының соты облыстық Қылмыстық-атқару жүйесі департаменті қызметкерлеріне қатысты үкімді жариялады.
Оқи отырыңыз: "9 миллион теңге". Шымкентте сыбайлас жемқорлықты әшкерелеген бес азаматқа сыйақы берілді
"№17 мекеме бастығының бұрыңғы орынбасары мен аға инспектор жылжымайтын мүліктің жоқтығы туралы тұрғын үй комиссиясына әдейі жалған мәліметтер беру арқылы 5,8 млн теңге көлеміндегі қаражатты ұрлағаны үшін кінәлі деп танылды. Оларға үш жыл алты ай мерзімге бас бостандығынан айыру және мемлекеттік қызмет пен квазимемлекеттік секторда лауазым атқару құқығынан өмір бойына айыру жазасы тағайындалды", – делінген хабарламада.
Сотталғандар әділет майоры мен лейтенанты арнайы атақтарынан айырылды.
Сот үкімі заңды күшіне енді.
