2022 жылдың 10 шілдесінен бастап Ресей аумағында "ҚР шегінен тыс жерлерде тұратын ҚР азаматтарына паспорттарды рәсімдеу" бойынша мемлекеттік қызметті электрондық форматқа көшіру бойынша "пилоттық жобасы" басталды, деп хабарлайды ҚР СІМ баспасөз қызметі.
"Аталған жоба Ресейде тұрып жатқан қазақстандық азаматтарға Қазан, Омбы, Санкт-Петербург және Астрахан қалаларындағы ҚР консулдық мекемелері арқылы паспортты 80 күннің орнына 30 күн ішінде ресімдеуге мүмкіндік береді", – делінген хабарламада.
Оқи отырыңыз: Кімдер куәлік пен төлқұжат алғанда мемлекеттік баж салығынан босатылады?
Бүгінгі таңда электрондық құжаттандыру жүйесі Қазақстанның БАӘ (Әбу-Даби, Дубай қалалары), Германия (Берлин, Майндағы Франкфурт, Мюнхен, Ганновер қалалары), Корея Республикасы(Сеул қ.), Ресей (Мәскеу қ.), АҚШ (Вашингтон, Нью-Йорк, Сан-Франциско қалалары), Өзбекстан (Ташкент қ.), Жапония (Токио қ.) мен Түркиядағы (Анкара, Ыстанбұл, Анталья қалалары) шетелдік мекемелерінде жұмыс істейді.
