Сертификат пен паспорт қажет: балалар алаңына қойылатын талаптар күшейді

Қазақстанда балалардың ойын алаңдарының 34 өндірушісі бар.

Енді ойын алаңдарының тиісті сертификат, декларация және техникалық паспорты болуы керек. Мұнымен қатар, алаңдарды пайдалану ережелері туралы ақпарат тақтасы тұрады. Әр ойын кешені балалардың жас ерекшелігіне сай салынады, деп хабарлайды 31 арнаның "Информбюро" ақпараттық бағдарламасы. 

2019 жылы күшіне енген техникалық регламент 2021 жылдың соңына дейін өтпелі әрі қосымша ережелермен толықтырылған. Бұл аралық кезең Қазақстандағы барлық баланың ойын аймақтарын жабдықтауда қатаң талаптарды енгізуге, оның ішінде сынақ зертханаларын, сәйкестікті растайтын орталықтарды дайындау үшін қажет болды, дейді мамандар. Техникалық регламенттегі ерекшелік – бұдан былай ойын алаңдарында ақпараттық тақта болады.

"Ақпараттық тақтада жабдықты пайдалану қағидалары, тізбесі, онда ойнайтын балалардың жас тобы тұрады", – деді "ҚазСтандарт" РМК техникалық реттеу жөніндегі үйлестіру орталығының сарапшысы Берік Ербосынов. 


Оқи отырыңыз: Жаз басталды. Балалар қайда демалады?


Сарапшының сөзінше, қазіргі уақытта балалар ойын алаңдарының арнайы сертификаттары мен декларациялары, техникалық паспорты болуы керек. Құрылымның берік әрі төзімді болуы шарт. 

ҚазСтандарт өкілдерінің мәліметіне сүйенсек, Қазақстанда балалардың ойын алаңдарының 34 өндірушісі бар.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите ее мышью и нажмите Ctrl+Enter

Серіктестер жаңалықтары