Серік Шәпкенов Атырау облысының әкімі болып тағайындалды

Мемлекет басшысының жарлығымен Серік Шәпкенов Атырау облысының әкімі болып тағайындалды, деп хабарлайды Ақорда сайты. 

Серік Шәпкенов 1979 жылы Батыс Қазақстан облысы Қаратөбе ауылында туған.

Батыс Қазақстан мемлекеттік университетін "экономист-математик" мамандығы бойынша бітірген. 

Еңбек жолын 2000 жылы Батыс Қазақстан мемлекеттік университетінде оқытушы болып бастады. Түрлі жылдары Батыс Қазақстан облысы әкімінің аппараты құрылымында жұмыс істеді. 

---

Оқи отырыңыз: Нұржан Нұржігітов Жамбыл облысының әкімі болып тағайындалды

---

2012-2015 жылдары Батыс Қазақстан облысы әкімінің бірінші орынбасары болды. 2015-2016 жылдары – ҚР президенті әкімшілігінің мемлекеттік бақылау және аумақтық ұйымдастыру жұмысы бөлімінің мемлекеттік инспекторы. 

2016-2018 жылдары – Атырау қаласының әкімі.  

2018 жылдан бастап қазіргі уақытқа дейін Атырау облысы әкімінің бірінші орынбасары болды.

Еске салсақ, Нұрлыбек Нәлібаевтың Қызылорда облысының әкімі болып тағайындалғаны туралы хабарлаған едік.