Тікелей эфир

Рим Папасы: Абай айтқандай, бізге жанды рухпен ұштастыру қажет

Рим Папасы Франциск съезде сөйлеген сөзінде Абай тағылымын тілге тиек етті.

Ватикан басшысы, Рим Папасы Франциск Әлемдік және дәстүрлі діндер лидерлерінің VII съезінің жалпы отырысында қазақтың бас ақыны Абай Құнанбайұлының философиялық ойларын мысалға келтірді.

"Кеше мен домбыраны қабылдадым. Музыкалық аспаппен өзімнің дауысымды ұштастырғым келеді. Қазақстандағы көрнекті әдебиет өкілі, ақыны Абай туралы айтқым келеді. Ол 1845-1904 жылдары өмір сүрген ақын. Ол өзінің діни ұғымдарының арқасында халқының рухына діни құндылықтарды жеткізді. Барлық жан-тәнімен лайықты адам болу даналығын ұсынды", – деді Рим Папасы.

Рим Папасы Франциск. Фото: Informburo.kz

Сонымен қатар Рим папасы әртүрлі тәжрибелерімен сусындауға дайын екенін айта келе, Абайдың ой-толғаныстарына тоқталды.

"Абай әдеміліктің, тіршілік етудің мәні не деді? Ол өзі де осы далада өмір сүре отырып, жолы қайда бара жатқанын өзіне сұрақ етіп қойды. Бұл дінге деген қажеттілікке алып келетін сұрақ. Біз жер бетіндегі өзіндік сұраныстарымызды, экономикалық сипаттағы қажеттіліктерімізді қанағаттандыру үшін ғана өмір сүрмейміз. Біз өмір бойы өзіміздің аспан астындағы көзқарасымызды кеңейтеміз. Бізге көптеген сұрақтарға жауап іздеу керек. Рухани әлемді дамыту қажет. Абай айтқандай, бізге жанды рухпен ұштастыру қажет", – деді Ватикан басшысы.


Оқи отырыңыз: Тоқаев: Қазақстан – барлық әлемдік діндердің киелі орындары көрініс тапқан карта іспетті


 

Біздің Telegram-каналдағы ең көп оқылған жаңалықтар
Серіктестер жаңалықтары