Ол 1964 жылдан бастап "КВН" бағдарламасын жүргізді.
Ресейде КВН-нің негізін қалаған белгілі тұлға Александр Васильевич Масляков 8 қыркүйек күні дүниеден озды.
Бұл туралы КВН-нің ресми сайтында жарияланды.
Ол КВН-нің барлық қатысушылары мен миллиондаған көрермендер үшін мәңгілік аңыз адам болып есте қалмақ. 1964 жылдан бастап ол "КВН" бағдарламасын жүргізіп, Ресейде және одан тыс жерлерде әзіл мен сатираның символына айналды.
"Александр Васильевич көптеген марапаттарға ие болды, "Отанға сіңірген еңбегі үшін" орденінің толық кавалері және "АМиК" шығармашылық бірлестігінің негізін қалаушы болды. Оның отандық ойын-сауық теледидарының дамуына қосқан үлесі зор. Александр Васильевич Масляков мәңгілік жадымызда", – делінген хабарламада.