Қырғыз академигі Илгиз Айтматов қайтыс болды

27 тамыз 2024, 08:47 Авторға хат жазу قازاقشا Qaz

Илгиз Айтматов – танымал жазушы Шыңғыс Айтматовтың інісі.

Қырғызстанда белгілі ғалым, академик Илгиз Айтматов 93 жасында өмірден өтті. Бұл туралы оның қызы Жәмилә Айтматова хабарлады.

Илгиз Айтматов – белгілі жазушы Шыңғыс Айтматовтың інісі болып келеді. Шыңғыс Айтматов 2008 жылы қайтыс болған еді.

Илгиз Айтматов – тау геомеханикасының маманы. Ол 1990-1993 жылдары Қырғызстан Ұлттық ғылым академиясының президенті қызметін атқарған. 260-тан астам ғылыми жұмыс пен 15 ғылыми жаңалықтың авторы.

2003 жылы ІІІ дәрежелі "Манас" орденімен марапатталған.