"Реал" мен "Бенфика" қайта ойнайды: Чемпиондар лигасының плей-офф жеребесі тартылды

30 қаңтар 2026, 18:09

Жазира Пірімқұл Авторға хат жазу قازاقشا Qaz

Әзербайжанның "Қарабах" клубы түйісу матчында Англияның "Ньюкасл Юнайтедпен" кездеседі.

УЕФА Чемпиондар лигасының 2025–2026 маусымындағы плей-офф кезеңіне арналған жеребе тарту рәсімі өтті. Турнирде чемпиондық үшін күресті 24 клуб жалғастырады.

Еуропаның алпауыт клубтары 1/8 финал жолдамасы үшін өзара мықты жұптармен бақ сынайтын болды. Бұл кезеңге бірқатар алып клубтар – мадридтік "Реал", миландық "Интер" және париждік ПСЖ шықты. Аталған командалар топтық кезеңде үздік сегіздікке ене алмады.

Чемпиондар лигасы. 1/16 финал жұптары:

"Реал Мадрид" – "Бенфика"
"Интер" – "Буде Глимт"
"Олимпиакос" – "Байер"
"Галатасарай" – "Ювентус"
"Монако" – ПСЖ
"Қарабах" – "Ньюкасл Юнайтед"
"Боруссия Дортмунд" – "Аталанта"
"Атлетико Мадрид" – "Брюгге"

Еске салайық, футболдан чемпиондар лигасының жалпы кезеңінің 8-турында алматының "Қайрат" футбол клубы Лондонның "Арсеналымен" ойнады. "Қайрат" қарсыласынан 2:3 есебімен жеңіліп қалды.

Оқи отырыңыз: Алматылық "Қайрат" Чемпиондар лигасындағы ойынын "Арсеналға" қарсы матчпен аяқтады

Айта кетейік, Лиссабонда өткен Чемпиондар лигасының шешуші кездесуінде "Бенфика" мадридтік "Реалды" 4:2 есебімен жеңіп, испандық грандты турнирдің алғашқы сегіздігінен ығыстырды. Ойынның соңғы минуттарында "Реал" толықтай ойын тізгінін жоғалтып, екі футболшысы қызыл қағаз алып, матчты тоғыз ойыншымен аяқтауға мәжбүр болды.