Ұлттық ғылым академиясының зейнет жасындағы ғалымдары өмір бойына дейін ай сайын 60 АЕК көлемінде стипендия алады. Бұл туралы Ғылым және жоғары білім министрлігі өзінің қаулы жобасында жазды.
Аталған қаулы биылғы 1 қыркүйектен бастап күшіне енеді.
"Қазақстан Республикасы ұлттық ғылым академиясының зейнеткерлік жасқа толған академигіне өмір бойғы ай сайынғы стипендияның мөлшері 60 АЕК мөлшерінде белгіленсін және оны төлеу қағидалары бекітілсін", – деп жазылған қаулы жобасында.
Оқи отырыңыз: 50 мен 125 арасы: Қазақстан университеттерінде грантқа түсу шекті балы қандай?
Стипендия алуға үміткер академик Ұлттық ғылым академиясына келесі құжаттарды өткізуі керек:
- Еркін нысанда стипендияны төлеуге өтініш;
- ҰҒА академигі мәртебесін растайтын құжат (ҰҒА академигі мәртебесін беру туралы ҰҒА отырысының хаттамасынан үзінді);
- Қазақстан Республикасының азаматтығын растайтын құжат (Қазақстан Республикасы азаматының жеке куәлігінің немесе паспортының көшірмесі);
- Екінші деңгейдегі банк айқындайтын нысан бойынша шоттың болуы туралы банк анықтамасы.
Стипендия төлеу мынандай жағдайларда тоқталады:
- ҰҒА академигі қайтыс болса (қайтыс болу туралы анықтама/куәлік);
- ҰҒА академигі хабар-ошарсыз кетсе немесе қайтыс болды деп жарияланса;
- ҰҒА құрамынан шығарылса (ҰҒА төралқасы отырысының хаттамасынан үзінді);
- Қазақстан Республикасының азаматтығы тоқтатылса.
Оқи отырыңыз: Грант байқауы – 2024: Қандай квоталар бар және кімдер тегін оқи алады
