Қырғызстанда "Ы" әрпіне ескерткіш қойылады

Қырғызстан астанасы Бішкек қаласындағы "Ынтымақ" саябағында "Ы" әрпіне арнап ескерткіш қойылады, деп хабарлады 24.kg "Қырғызстандағы Ресей газетіне" сілтеме жасап, 

Ескерткіш 29 сәуірде ашылады деп жоспарланған. Бұл әлемде "Ы" әрпіне қойылған тұңғыш ескерткіш болмақ. 

Басылымның жазуынша, Қырғыз-орыс сөздігінде "Ы" әрпінен басталатын 600 сөз бар. Қырғыз тілінде "ы" дыбысының болуының арқасында "Қырғыз", "Қырғызстан", "қырғыз халқы" сынды бренд сөздер айрықша танымалдылыққа ие болған. 

Ескерткіш арнайы QR-кодпен жабдықталады. Код арқылы өтіп, Қырғызстан туралы ақпаратпен екі – мемлекеттік қырғыз және ресми орыс тілдерінде танысуға болады. Онда Қырғызстанның географиясы, тарихы мен халқы туралы мәліметтер, сондай-ақ қырғызша-орысша сөздік орналастырылады. 

Оқи отырыңыз: Қырғызстан депутаты ұл-қызына арабша есім беретіндерді сынға алды