Бүгін – Құрбан айттың үшінші күні.
Қазақстан мұсылмандары діни басқармасы онлайн құрбан шалуға арналған qurban.muftyat.kz сайты арқылы бүгінгі 12:00-ге дейін ғана тапсырыс беруге болатынын хабарлады.
Діни басқарманың дерегінше, Құрбан айттың бірінші күні еліміз бойынша жалпы саны 18 710 мал құрбандыққа шалынған. Оның ішінде 941 өтініш онлайн форматта қабылданған. Оның ішінде:
- қой – 16 593;
- ешкі – 1 014;
- ірі қара – 1 088;
- түйе – 15.
Ал екінші күні жалпы саны 987 мал құрбандыққа шалынған. Оның ішінде 605 өтініш онлайн форматта қабылданған. Мал түрлері бойынша:
- қой – 637;
- ешкі – 219;
- ірі қара – 120;
- түйе – 11.
Екі күнде құрбандық еті республика көлемінде 55 709 мұқтаж отбасы мен 1179 әлеуметтік мекемеге үлестірілді.
