Алматыда қозғалыс кезінде көлігінің терезесінен жартылай жалаңаш қыз шыққан жүргізуші жазаланды, деп хабарлады Polisia.kz.
Таяуда әлеуметтік желіде төмендегі видео тарап, желі қолданушыларының наразылығын туғызған. Осыған орай, Алматы қалалық полиция департаменті жол тәртібін бұзған жүргізушіні анықтап, жауапкершілікке тартты. Жүргізуші – 25 жастағы алматылық азамат. Оған төрт бірдей әкімшілік хаттама толтырылды:
- 230-баптың 2-бөлігі (Сақтандырудың жоқтығы);
- 590-баптың 9-бөлігі (Техникалық байқаудың болмауы);
- 593-баптың 1-бөлігі (Жолаушыларды тасымалдау ережелерін бұзу);
- 599-баптың 1-бөлігі (Бағдаршамның тыйым салынған белгісіне қозғалу).
"Бұл дерек мониторинг барысында анықталды. Жүргізушіні анықтап, жауапкершілікке тарту шаралары қолға алынды. Нәтижесінде, біздің бөлімшенің қызметкерлері құқық бұзушыға төрт әкімшілік хаттама толтырылды. Сонымен қатар, жүргізушіге құқықтық түсіндіру жұмыстары жүргізілді. Сондай-ақ, көліктен түскен қызға қатысты да әкімшілік шара қолданылды. Оған ҚР ӘҚбК-нің 434-бабы (Ұсақ бұзақылық) бойынша айып тағылды", – деді Алматы қалалық ПД Жергілікті полиция қызметі басқармасының бастығы Манап Саттаров.
Оқи отырыңыз:
"Жұмабектің бажасымын": Полиция майоры қызметінен босатылды
