Әл-Фараби атындағы Қазақ Ұлттық университеті Журналистика факультетінің бұрынғы деканы Темірғали Көпбайдың университеттегі кадрлық әділетсіздіктер туралы мәлімдеп, бұл жазба дауға ұласқаннан кейін факультетте жаңа декан тағайындалды. Ол – PhD докторы Ысқақ Егембердиев.
Жаңа декан – осы факультеттің түлегі. Ол 1983 жылы дүниеге келген. "Атырау-Ақпарат" ЖШС директорының орынбасары, бас директоры, "Айқын-Литер" ЖШС директоры болып қызмет атқарды.
Еске салайық, ақын, факультеттің бұрынғы деканы Темірғали Көпбай факультеттің төрт оқытушысының қызметтен кеткенін мәлімдеп, мұны университет басшылығының қудалауының нәтижесі деп айыптады.
Бұдан кейін әл-Фараби атындағы ҚазҰУ басқарма мүшесі – академиялық мәселелер бойынша проректоры Алина Галеева қалыптасқан жағдайға түсініктеме беріп, профессор ғалымдардың әрбірінің қызметтен кету себептерін атады.
Дегенмен, әлеуметтік желіде бұл шешімге қарсы болғандардың қарасы көп болды.
ҚазҰУ-да не болып жатыр? Ұстаздар уәжі мен университет жауабы