Қазақстанның 6 бірдей өңірінде кедейлер саны артқан

Кедейлік деңгейінің ең төмен мәні Қарағанды, Қостанай (3,4%-дан) облыстарында тіркелді.

Үй шаруашылықтарын іріктемелі зерттеу бойынша табысы ең төменгі күнкөріс деңгейінен төмен халықтың үлесі 2021 жылдың III тоқсанда 5,3%-ды құрады, бұл 2020 жылғы тиісті кезеңмен салыстырғанда 0,4% төмен, деп хабарлайды naryk.kz сайты. 

2021 жылдың III тоқсанында кедейлік деңгейінің ең үлкен мәні келесі өңірлерде байқалды:

  • Түркістан облысы – 9,5%;
  • Маңғыстау облысы – 8,1%;
  • Шымкент – 5,8%.

Ал ең төмені – Қарағанды, Қостанай (3,4%-дан) облыстарында тіркелді.

Децильдік бөлудегі үй шаруашылықтарының шығыстары айтарлықтай саралануды көрсетеді. Сонымен, 2021 жылдың III тоқсанында азық-түлік тауарларына жұмсаған шығыстар деңгейіндегі 10% ең аз және 10% ең көп қамтамасыз етілген халықтың арасындағы айырмашылық – 4,7, азық-түлік емес тауарларға – 7,9, ал ақылы көрсетілетін қызметтерге – 6,1 есені құрады.

Еске салсақ, Қазақстанда табысы күнкөріс деңгейінен төмен тұрғындар саны 20 пайызға көбейгені туралы хабарлаған едік. 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары