Қазақстанға жұмыртқа әкелуге тыйым күшіне енді: транзитке шектеу жоқ

12 желтоқсан 2025, 10:16 Жазира Пірімқұл Авторға хат жазу قازاقشا Qaz

Қазақстан бір айға жұмыртқа импортына тыйым салды.

Қазақстан Ауыл шаруашылығы министрлігі ішкі нарықты қорғау және отандық өндірушілерді қолдау мақсатында тауық жұмыртқасын сырттан әкелуге уақытша тыйым енгізді. Тиісті бұйрық 11 желтоқсанда күшіне енді.

Ведомствоның хабарлауынша, бір ай мерзімге Еуразиялық экономикалық одақ елдерінен және үшінші мемлекеттерден барлық көлік түрімен тасымалданатын тағамдық тауық жұмыртқаларын (СЭҚ ТН 040721) Қазақстан аумағына әкелуге шектеу қойылды.

Министрлік бұл тыйым транзиттік тасымалдарға, сондай-ақ ЕАЭО елдерінің арасында жүретін жүктерге қолданылмайтынын атап өтті.

АШМ мәліметінше, уақытша шектеу ішкі нарықтағы бағаны тұрақтандыруға және отандық құс фабрикаларының өнімін қолдауға бағытталған.

Оқи отырыңыз: Енді Алматы тұрғындары тауық еті мен жұмыртқаны арзан бағада сатып ала алады