Әл-Фараби атындағы Қазақ ұлттық университетіне Нобель сыйлығының лауреаты, әлемге танымал қытай жазушысы Мо Янь арнайы келді. Бұл туралы университеттің проректоры Бақытжан Омар жазды.
"Басқарма төрағасы-ректор Жансейіт Қансейітұлының тапсырмасымен мәртебелі қонаққа оқу орнымыздың жетістіктері мен даму бағыттары таныстырылды. Сонымен қатар, Мо Янь мырзаны профессор-оқытушылар құрамымен, зиялы қауым өкілдерімен және қаламгерлермен кездестірдік. Аталған тағылымды шара Қазақстан Жазушылар одағымен бірлесіп ұйымдастырылды. Осы ретте, Жазушылар одағының төрағасы Мереке Құлкенов ағамызға шынайы алғысымызды білдіреміз", – деп жазды ол.
Кездесу барысында университеттің Ғылыми кеңесінің шешімімен Нобель сыйлығының лауреаты Мо Яньға және белгілі жазушы, қоғам қайраткері Акбар Мәжитке университеттің Құрметті профессоры атағы салтанатты түрде табысталды.
