Қазақстандық теннисшілердің барлығы жарыс жолынан шығып қалды.
Қазақстандық теннисшілердің Ролан Гаррос турнирінде қанша табыс тапқаны белгілі болды. Бұл туралы "Рыбакинаның ракеткасы" Telegram арнасында жазды.
Франция ашық чемпионатында барлығы жеті қазақстандық теннисші бақ сынады. Ролан Гаррос жарысының биылғы жүлде қоры 49,6 млн еуро болса, қазақстандық ойыншылар барлығы 485 мың еуро (234,4 млн теңге) табыс тапты.
- Юлия Путинцева – 150 500 еуро (8 500+142 000). Ол жекелей сында үшінші айналымға дейін жетті. Жұптық сында ресейлік Камилла Рахимовамен бірге алғашқы айналымнан аса алмады.
- Елена Рыбакина – 142 000 еуро. Қазақстанның бірінші ракеткасы жекелей сында үшінші айналымға дейін жеткенімен, сырқаттанып қалуына байланысты жарысты жалғастыра алмады. Жұптық сында ол бәсекеге түскен жоқ.
- Александр Бублик — 77 500 еуро (8 500+69 000).
- Тимофей Скатов — 69 000 еуро.
- Александр Недовесов — 21 500 еуро.
- Анна Данилина — 16 000 еувро (2 500+13 500).
- Андрей Голубев — 8 500 еуро.
Оқи отырыңыз: "Дене қызуым түспеді". Елена Рыбакина "Ролан Гаррос" турнирін жалғастыра алмайды
Ролан Гаррос – теннистен Францияның ашық чемпионаты, әрі Үлкен дулыға турнирінің бірі. 2022 жылы Елена Рыбакина Уимблдонды жеңген болатын. Биыл Australian Open финалына шықты. Одан кейін екі рет WTA 1000 турнирін жеңді.
