Аты әлемге әйгілі отандық ғалым қисайған омыртқаны түзетудің тың тәсілін ойлап тапты. Бұл туралы "Ғылымстан" бағдарламасында айтылды.
Сколиоз – омыртқаның қисайып, бүкірленуі. Дәрігерлер бүкір адам ұзақ өмір сүрмейді, өйткені, омыртқа қисайғаннан жүрек, бауыр, өкпе қысылып, адамның өміріне зақым тигізетінін айтуда. Ең қорқыныштысы, елімізде сколиозбен ауыратындардың саны күн санап, көбейіп барады.
Осыған байланысты жас ғалым, травматолог-ортопед Нұрбек Нәдіров омыртқаны түзеудің жаңа тәсілі туралы "Ғылымстан" бағдарламасында баяндап берді.
Әрбір 100 адамның екеуі бүкірейіп жүреді, дейді мамандар.
"Омыртқаны түзету үшін оны екі шегемен шегелеп, дәлірек осы шегені жұлынның екі жағын қосатын "омыртқа доғасының түбірінен" өткіземіз. Сыртындағы "жұлын түбірлерінің" қай жағынан бірінші шегелеу қажеттігін анықтап, хирургиялық тәсіл ойлап таптық. Патент алдық", – деді Нұрбек Нәдіров.
Оқи отырыңыз: Шетелдегі қазақ ғалымдар грант аясында Қазақстанға көшіп келе алады