Білім беру инфрақұрылымын қолдау қорындағы арнайы шотқа жыл ішінде 151,9 млрд теңге түсті.
1 желтоқсандағы жағдай бойынша Қазақстанда жемқор шенеуніктерден тәркіленген ақшаға бір жыл ішінде салынған 17 мектеп ашылды, деп хабарлады үкімет.
Білім беру инфрақұрылымын қолдау қорында мұндай ақшаға арнайы есепшот ашылған. Қор жұмыс істей бастаған өткен жылдың желтоқсан айынан бері бұл шотқа 151,9 млрд теңге аударылған.
Бұл қаражат 76,7 мың орындық 62 мектептің құрылысын қаржыландырды. Олардың жалпы құны 96,5 млрд теңгені құрады.
Оқи отырыңыз: Астанада 2027 жылға дейін 65 жаңа мектеп ашылады
Ашылған 17 мектепте 28,6 мың балаға орын жетеді.