USD:
507.9 / 511.3
EUR:
590.5 / 595.5
RUB:
6.49 / 6.61
Қазақстанда қаржылық қауіпсіздік бойынша республикалық олимпиада өтеді, деп хабарлады Қаржылық мониторинг агенттігінің баспасөз қызметі.
⠀
Олимпиаданың мақсаты қаржылық, экономикалық және ақпараттық қауіпсіздік негіздерін меңгерген қаржылық сауатты жастардың жаңа буынын қалыптастыруға ықпал етуге бағытталған. Олимпиадаға қазақ және орыс тілінде жалпы білім беру ұйымдарының 10-11 сынып оқушылары қатыса алады.
Олимпиада екі кезеңнен тұрады:
- 1-кезең онлайн-тестілеу форматында өтеді;
- 2-кезең офлайн түрде ұйымдастырылады.
Олимпиадаға 2023 жылғы 15 ақпаннан 15 наурызға дейін тіркелуге болады. Қазақ сыныптары мен орыс сыныптарының тіркелу формасы сілтемеде көрсетілген.
Оқи отырыңыз: Қазақстанда республикалық пән олимпиадасының үшінші кезеңі басталды
Айта кетейік, олимпиаданы Қаржылық мониторинг агенттігі, Оқу-ағарту министрлігінің және "Дарын" республикалық ғылыми-практикалық орталығының қолдауымен "Тұран" университеті, "Қазтұтынуодағы" Қарағанды университеті және Нәрікбаев атындағы KazGUU университеті ұйымдастырып жатыр.
