Қазақстанда пәтер жалдау құны 33 пайыз арзандады

Қазір Қазақстандағы тұрғын үйдің бір шаршы метрін жалдау құны 3 мың теңге болып отыр.

5 қаңтарға қарай Қазақстандағы тұрғын үй жалдау бағасы қыркүйек-қазан айларымен салыстырғанда 33% арзандады. Басқа қалаларға қарағанда Оралда үй жалдау бағасы көбірек арзандаған, деп хабарлайды Krisha.kz сайты. 

Тек Қостанай қаласында қыркүйекпен салыстырғанда пәтер жалдау бағасы 13,7% жоғары болып отыр. Ал қалған өңірлерде керісінше арзандаған:

  • Орал – 52%;
  • Петропавл – 50%;
  • Ақтөбе – 47%;
  • Астана – 36%;
  • Алматы – 29%.

Оқи отырыңыз: "Жасыл ипотекамен" қалай үй алуға болады? 6 сұраққа жауап


Қыркүйек айының басымен салыстырғанда елде пәтер жалдау мөлшерлемесі қазір орта есеппен 2% жоғары. Бұған қарамастан Көкшетау, Ақтөбе, Ақтау, Қарағанды, Атырау қалаларында баға қыркүйектегі деңгейден төмен. Алматы, Астана, Павлодар, Орал және басқа қалаларда 7% шегінде алшақтық сақталып тұр. 

2022 жылғы желтоқсанда мөлшерлеме 6,3% төмендеді. Алматы, Қостанай, Павлодар қалаларында айтарлықтай өзгеріс бар: – 9%. Астанада: – 5,3%. Өскемен мен Петропавлда 4 пайызға дейін төмендеді. 

5 қаңтарда Қазақстандағы тұрғын үйдің бір шаршы метрін жалдау құны 3 мың теңге болып отыр. Минимум – 2,4 мың – Ақтөбеде, максимум – 5,7 мың – Алматыда.


Оқи отырыңыз: Қазақстанда "Жасыл ипотека" бағдарламасына бір ғана тұрғын үй кешені сай келеді 


 

Жаңалықты жарнамасыз оқыңыз. iOS және Android жүйесіне арналған informburo.kz мобильді қосымшасын жүктеңіз.

Тарату:

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Біздің Telegram-каналдағы ең көп оқылған жаңалықтар

Серіктестер жаңалықтары