USD:
510.7 / 513.1
EUR:
580.0 / 585.0
RUB:
6.31 / 6.43
Қазақстан Ұлттық банкі Жеңістің 80 жылдығына арнап номиналы 1 000 теңгелік мерейтойлық банкнотаны айналымға шығарады, деп хабарлайды банктің баспасөз қызметі.
"Мерейтойлық банкнотаның дизайны қоңыр-сарғылт түсті. Алдыңғы бетінде Даңқ мемориалы бейнеленген, Отан үшін жан қиған батырларға деген құрмет белгісі – 28 гвардияшы-панфиловшылар атындағы саябақта орналасқан", – деп хабарлайды Ұлттық банк.
Банкнотаның бұрышын өзгерткен кезде жолақта тереңдіктің, көлемнің және жылтырдың үш өлшемді әсері, сонымен қатар мәңгілік алау мен ұшып бара жатқан тырналар көрінеді. Тырналар силуэті – жақсылық пен үміттің бейнесі – өмірді суреттейді.
"Номиналы 1 000 теңгелік мерейтойлық банкнота өз құнына сай Қазақстан Республикасының бүкіл аумағында төлемнің барлық түрі бойынша қабылдануға жатады. Сонымен бірге банктік шотқа салуға, Қазақстан Республикасының барлық банкінде аударуға және ұсақталуға міндетті", – деп ескертеді Ұлттық банк.
