KASE-дегі жаңа бағам белгілі болды.
Қазақстан қор биржасындағы (KASE) күндізгі сауда-саттық қорытындысы бойынша доллар бағамы айтарлықтай қымбаттады.
Сауда нәтижесінде америкалық валютаның орташа бағамы 3,28 теңгеге өсіп, 462,30 теңге болды. Ұлттық банктің ресми бағамы – 458,87 теңге.
Kurs.kz мәліметінше, Астанадағы айырбастау орындарында доллар 459 теңгеден сатып алынып, 466 теңгеден сатылып жатыр. Еуроның сатып алу бағамы – 531 теңге, сату бағамы – 541 теңге. Рубль 5,15-5,35 теңге аралығында айырбасталады.
Алматыда доллар орта есеппен 461,72 теңгеден сатып алынып, 463,66 теңгеден сатылуда. Қаладағы айырбастау пункттерінде еуроның бағамы 535,91-541,01 теңге, ал рубль 5,19-5,33 теңге аралығында.