2021 жылдың бірінші тоқсанында Қазақстанда 100 500 бала дүниеге келді. Бұл – соңғы жылдардағы ең жоғары көрсеткіш. Өткен жылмен салыстырғанда туу көрсеткіші 8,4% артқан. Мұндай деректер Ranking.kz зерттеуінде келтірілген.
Салыстыру үшін:
- 2020 жылдың І тоқсанында 92,7 мың сәби дүниеге келді. Бұл алдыңғы жылмен салыстырғанда 0,8% көп;
- 2019 жылдың І тоқсанында 91,9 мың бала туды. Бұл көрсеткіш 2018 жылмен салыстырғанда 0,8% аз.
Жалпы елде "беби-бум" үш тоқсан қатарынан, яғни 2020 жылдың ІІІ тоқсанынан бастап жалғасып келеді. Үшінші тоқсанда 116 700 сәби туды. Бұл бір жыл бұрынғы көрсеткішпен салыстырғанда 8,4% көп. 2020 жылдың IV тоқсанында да осыған ұқсас жағдай болып, 111,7 сәби дүние есігін ашты. 2019 жылдың IV тоқсанымен салыстырғанда 9,5% көп.
Өткен жылы жалпы 425 мың сәби дүниеге келді, алдыңғы жылмен салыстырғанда 6% көп. 2019 жылы туу көрсеткіші тек 1,3% артқан.
Биыл І тоқсан қорытындысы бойынша, халық саны 18,94 млн адамға жетті. Осы орайда нәрестелер санының көбеюіне байланысты "Отбасы банк" пен Bank RBK балаларға арналған депозит ұсынды.
"Отбасы банкте" екі өнім бар:
- Жаңа туған нәрестеге жылдық тиімді сыйақы мөлшерлемесі 14%-ға дейін баратын "Балалар депозиті". Депозит сәби 18 жасқа толған кезде 3,5% мөлшерлемемен тұрғын үй заемын алуға мүмкіндік береді;
- Жылдық тиімді сыйақы мөлшерлемесі 6%-ға дейін жететін "Арнау" депозиті. Бұл депозитті ашқандар баласы 18 жасқа толғанда 2% (ЖТСМ – 2,1%) мөлшерлемемен тұрғын үй заемын ала алады.
Екі депозитке де мемлекет тарапынан сыйлықақы беріледі – жылына 20% (максимум 200 АЕК).
2021 жылдың 1 шілдесіндегі жағдай бойынша, "Отбасы банктегі" балалар депозитінің саны 206,9 мыңға жетті:
- 2020 жылмен салыстырғанда – 31,9%;
- 2019 жылмен салыстырғанда 45,1% көп.
