Биылдан бастап Қазақстанда "Астана" брендіне ие автобустар шығарыла бастайды. Бұл туралы Үкімет отырысында "Астана Моторс" компаниялар тобының төрағасы Нұрлан Смағұлов хабарлады.
"Кәсіпорынның негізгі жобаларының бірі – "Астана" атты өз брендімен автобустар шығару. Бұл автобустар Қытайдың технологиялық серіктестерімен бірлесіп әзірленген, әлемдік жетекші өндірушілердің компоненттері пайдаланылады. Сонымен қатар автобустардың дизайнын жасауға қазақстандық инженерлер тікелей қатысты. Автобустар Қазақстан аумағында өндіріледі", – деді Нұрлан Смағұлов.
Оның айтуынша, дизель және газбен жүретін автобустардың сериялық өндірісі биыл қараша айында басталады.
Ал "Астана" маркалы электр автобустарының өндірісін 2027 жылдың наурыз айында бастау жоспарланып отыр.
Көк нөмір көбейді: Қытайда тіркелген көліктер Қазақстанда жол ережесін бұзса, камера тіркей ме
Қытайдан көлік алған қазақстандықтардың шоттары аяқасты бұғаттала бастады