Қазақстанда 481 тұрақты донор "Құрметті донор" марапатының алғашқы иегері атанды, деп хабарлады Денсаулық сақтау министрлігі.
Ведомстволық төсбелгі Қазақстан Республикасының азаматтарына, сондай-ақ шетелдіктер мен азаматтығы жоқ адамдарға өтеусіз негізде донорлық жасағаны үшін беріледі. Атап айтқанда, қан және (немесе) тромбоцит донорлығы – кемінде 40 рет, қан плазмасының донорлығы – кемінде 70 рет болуы тиіс.
Министрліктің жазуынша, төсбелгілер Қазақстан теңге сарайында әзірленеді. Медальдің әрбір бөлшегі терең мағыналық мәнге ие және Қазақстан Республикасы Геральдика жөніндегі республикалық комиссиясы бекіткен.
Бекітілген дизайнға сәйкес төсбелгінің негізгі символы қанық қызыл түсті эмальмен көмкерілген қан тамшысы түрінде жасалған. Тамшының ішінде ақ түсті эмальмен бейнеленген жүрек соғысының графикалық ырғағы орналасқан. Барлық композиция күңгірт өңделген дөңгелек жиекпен қоршалған.
Жыл сайын Қазақстанда 180 мыңнан астам азамат донор атанып, 255 мыңнан астам донорлық рәсім жасайды. Соның нәтижесінде жыл сайын 80 мыңнан астам пациентке сапалы қан құю көмегі көрсетіліп, олардың өмірін сақтап қалуға және сауығуына мүмкіндік беріледі. Жұмыс істейтін донорлар орташа жалақысы сақтала отырып жұмыстан босатылады.
2025 жылы Қазақстанда донорға мұқтаж 342 адам көз жұмды
Алматыда күрделі трансплантация: бір донор 43 жастағы ер адам мен екі баланы құтқарып қалды