Тікелей эфир

Қазақстанда 2,3 миллион зейнеткер бар. Зейнетақының орташа мөлшері қандай?

Қазір республикадағы зейнеткерлер саны – 2 миллион 383 мың адам.

Қазақстанда жиынтық зейнетақының орташа мөлшері 132 401 теңге болды, деп хабарлады еңбек және халықты әлеуметтік қорғау министрлігі.

Жыл басынан бері республикалық бюджеттен 1 триллион 549,3 миллиард теңге зейнетақы төленген.

Соның ішінде базалық зейнетақы – 487,5 миллиард теңге, ынтымақты зейнетақы – 1 триллион 61,8 миллиард теңге.

"2024 жылғы 1 маусымдағы жағдай бойынша жиынтық зейнетақының орташа мөлшері 132 401 теңге болды, оның ішінде ынтымақты зейнетақы мөлшері – 89 697 теңге, базалық зейнетақы – 42 704 теңге", – делінген хабарламада.

Министрлік 2018 жылғы 1 шілдеден бастап мемлекеттік базалық зейнетақы төлемі зейнетақы жүйесіндегі өтілін ескере отырып, әр алушыға жеке тағайындалатынын еске салды.

Бұл мақала сізге пайдалы болды ма?
9

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары