Қазақстан қор биржасында доллар бағамы күрт өсті

13 шілдедегі Қазақстан қор биржасындағы (KASE) күндізгі сауда қорытындысы бойынша АҚШ долларының орташа сараланған бағамы 477,11 теңгені құрап, алдыңғы сауда күнімен салыстырғанда 8,94 теңгеге өсті.

Сонымен қатар Қазақстан Ұлттық банкінің 13 шілдеге белгілеген ресми доллар бағамы 464,71 теңге болды.

Ақша айырбастау орындарындағы бағамдар да өзгерді.

• Астанада доллар орта есеппен 471,04 теңгеден сатып алынып, 478,04 теңгеден сатылып жатыр. Еуроның сатып алу бағамы – 536,03 теңге, сату бағамы – 546,03 теңге. Ресей рублі 5,80–6,10 теңге аралығында саудаланып жатыр.
• Алматыда айырбастау пункттері долларды 471,77 теңгеден сатып алып, 474,44 теңгеден сатып жатыр. Еуроның бағамы 540,80–546,22 теңге, ал рубль 5,80–5,96 теңге аралығында.
• Шымкентте долларды орта есеппен 473,64 теңгеден сатып алып, 475,88 теңгеден сатуда. Еуро 540,09–546,36 теңге, ал рубль 5,81–5,88 теңге аралығында саудаланып жатыр.