Алматы қаласында 150-ден астам Қытай компаниясы мен отандық бизнес өкілдері қатысқан көрмеде Алматы әкімдігі мен Аспан асты елінің Алматы қаласындағы Бас консулдығының өкілдері құттықтау сөз сөйлеп, екі ел арасындағы экономикалық байланыстың аса жоғары қарқынмен дамып келе жатқанын алға тартты.
Көрме барысында "В2В" жеке кездесулер аймағының салтанатты ашылуы өтті. Іс-шараға қатысушылар қазақ халқының биі мен өзге өнерін тамашалады. Мұнымен қатар "Қазақстан-Қытай шетелдік Қытай бизнесі қауымдастығы" мен трансшекаралық электрондық коммерция Альянсының тұсаукесері өтті. Қонақтар үшін көрменің павильондары бойынша экскурсия ұйымдастырылды, оның барысында Қытай компанияларының өнімдерімен танысу өтті.
"Аталған іс-шараға Қытай компанияларымен қатар халық тұтынатын тауарлар мен қызметтер өндірісінің аралас салаларынан қазақстандық бизнес өкілдері шақырылды. Осы көрменің арадағы іскерлік байланыстарды нығайтуға, тәжірибе алмасуға көмектесетініне және екі ел кәсіпкерлері арасындағы достық көпіріне айналатынына сенімдіміз", – деді Kazakhstan Arsha Intemational Cultural Cooperation LTD компаниясының бас директоры Чен Чжицзе.
Оқи отырыңыз: 2024 жылы Қазақстан мен Қытай арасындағы сауда-саттықты не күтіп тұр?
Естеріңізге сала кетейік, биыл наурыз айында осындай іс-шара "Қорғас" халықаралық көрме орталығының (ҚХР) аумағында халықаралық ынтымақтастықтың шекара маңы аймағында өтті, онда Қытай мен Қазақстан кәсіпкерлері үшін бизнес-конференция өтті.
Қазақстан Орталық Азия елдерінен Қытайдың басты серіктесі. Мұны өткен жылы 10 жылдығы атап өтілген "Бір белдеу, бір жол" жаһандық жобасын іске асыру аясындағы сауда-экономикалық ынтымақтастықтың бұрын-соңды болмаған жоғары көрсеткіштері айқындайды. Қазақстан президенті Қасым-Жомарт Тоқаев Боаос Азия форумында сөйлеген сөзінде 2023 жылы еліміз бен ҚХР арасындағы тауар айналымы 41 млрд тарихи рекордқа жеткенін, ал жүк тасымалдау көлемі 22% артып, 30 млн тоннаны құрағанын еске салды.
