Қазақстан азаматтары мамырда 14 күн демалады

2026 жылғы мамырда қазақстандықтарды бірден төрт мемлекеттік мереке күтіп тұр. Соның нәтижесінде ай ішінде демалыс күндерінің саны айтарлықтай көбейеді.

• 1 мамыр – Қазақстан халқының бірлігі күні жұмаға сәйкес келеді. Бес күндік жұмыс аптасында қазақстандықтар қатарынан үш күн – 1, 2 және 3 мамыр күндері демалады.
• 7 мамыр – Отан қорғаушылар күні бейсенбіге түсіп отыр. Бұл күні де ресми түрде бір күн демалыс беріледі.
• Ал 9 мамыр – Жеңіс күні сенбіге сәйкес келеді. Осыған байланысты демалыс күні дүйсенбіге ауыстырылып, қазақстандықтар 9, 10 және 11 мамыр күндері қатарынан үш күн тынығады.

Сонымен қатар 27 мамырда Құрбан айт мерекесіне орай қосымша демалыс күні қарастырылған. 2026 жылы бұл күн сәрсенбіге сәйкес келеді.

Осылайша, бес күндік жұмыс аптасында мамыр айында 14 демалыс күні болса, алты күндік жұмыс аптасында 12 күн демалыс болады.