Казан айынан бастап Алматыда кезекші кесте бойынша екі халыққа қызмет көрсету орталығы мен екі мамандандырылған ХҚКО жұмыс істейді, деп хабарлайды "Азаматтарға арналған үкімет" мемлекеттік корпорациясының қалалық филиалы.
Мына ХҚКО-лар кезекші болып белгіленді:
- Алатау ауданы – Нұркент шағынауданы, 5/17 үй;
- Наурызбай ауданы – Шұғыла шағынауданы, 347/1 үй.
Олар азаматтарды жұмыс күндері сағат 9:00-ден 20:00-ге дейін, ал сенбі күні 13:00-ге дейін қабылдайды.
Оқи отырыңыз: Қазақстандықтардың қарызы табысынан екі есеге артты
Кезекші мамандандырылған ХҚКО-лар мына мекенжайлар бойынша жұмыс істейді:
- Аққайнар көшесі, 1;
- Ақсуат көшесі, 118.
Бұл орталықтар жұмыс күндері түскі үзіліссіз сағат 9:00-ден 20:00-ге дейін ашық болады. Өтініштер сағат 18:00-ге дейін қабылданады, ал дайын құжаттар 20:00-ге дейін беріледі. Сенбі күндері құжаттарды сағат 9:00-ден 12:00-ге дейін тапсыруға, ал дайындарын 13:00-ге дейін алуға болады.
Алматыдағы қалған ХҚКО-лар мен мамандандырылған ХҚКО-лар тек жұмыс күндері сағат 9:00-ден 18:00-ге дейін жұмыс істейді. Сенбі олар үшін демалыс күні болып қалады.
Кейбір мемлекеттік қызметтерді "ЦОН" қосымшасы, электрондық үкімет порталы және екінші деңгейлі банктердің қосымшалары арқылы онлайн түрде де алуға болады.