USD:
505.5 / 508.5
EUR:
587.5 / 592.5
RUB:
6.47 / 6.59
Қазақстан және Ресей басшылары Мәскеуде бейресми кездесу өткізді, деп хабарлады Ақорданың баспасөз қызметі.
Мемлекет басшысы Қасым-Жомарт Тоқаев Ресей президенті Владимир Путинге ерекше сый-құрмет үшін ризашылығын білдірді.
"Ресей астанасындағы ыстық ықылас мені қатты таңғалдырды әрі қуантты. Екіжақты ынтымақтастық стратегиялық серіктестік, одақтастық қатынастар сипатына ие. Барлық бағытта бірлесе жұмыс атқарып келеміз. Мемлекеттеріміз арасында ешқандай түйткіл жоқ. Мәселе туындаған күннің өзінде президенттер мен үкіметтер басшыларының күш-жігері арқасында оң шешімін табады. Сіздің шақыруыңызды зор ықыласпен қабыл алдым. Расында, бүгін бейресми жағдайда пікір алмасамыз. Менің Өзіңізбен талқылағым келетін біраз пікір-пайымым бар", – деді Қасым-Жомарт Тоқаев.
Владимир Путин де Қазақстан президентіне мемлекеттік сапармен келгені үшін алғыс айтты.
"Әрине, біз ұдайы байланыстамыз. Алайда мемлекетаралық қатынастарда мұндай протоколдық дүниелер де маңызды. Бүгін бейресми жағдайда кездесіп, барлық өзекті мәселе бойынша әңгімелесеміз. Ал ертең әріптестермен бірге екіжақты қарым-қатынастың күн тәртібін қарастырамыз және перспективті бағыттарға назар аударамыз. Жалпы алғанда, біз осы жылды өте жақсы нәтижелермен аяқтаймыз, сондай-ақ таяу келешекке арналған жоспарды орындаймыз деп ойлаймын", – деді Владимир Путин.
