USD:
463.1 / 465.9
EUR:
543.0 / 548.0
RUB:
6.05 / 6.17
Жұмыс сапары 18-19 ақпанға жоспарланған.
Қазақстан Президенті Америка Құрама Штаттарына жұмыс сапарымен барады, деп хабарлады Ақорданың баспасөз қызметі.
"18-19 ақпан күндері Мемлекет басшысы Қасым-Жомарт Тоқаев АҚШ Президенті Дональд Трамптың шақыруымен Бейбітшілік кеңесінің алғашқы отырысына қатысу үшін Вашингтонға жұмыс сапарымен барады. Саммит барысында Газа секторындағы ахуалды тұрақтандыру мәселесіне баса мән беріледі. Атап айтқанда, бейбітшілік орнату, қауіпсіздікті қамтамасыз ету және гуманитарлық көмек жеткізу бойынша нақты шаралар әзірлеуге ден қойылады", – делінген хабарламада.
Сонымен қатар сапар аясында Қасым-Жомарт Тоқаев америкалық ірі компаниялардың жетекшілерімен бірқатар кездесу өткізеді.
