Прямой эфир Новости спорта

Қаржы пирамидасын жарнамалағандар қылмыстық жауапқа тартылады. Мәжілісте заң жобасы қаралды

Депутаттар заң жобасын бірінші оқылымда мақұлдады.

Мәжіліс бірінші оқылымда қаржы пирамидаларының қызметіне қарсы іс-қимыл туралы заң жобаларын мақұлдады.

"Қарауға ұсынылған заң жобаларының негізгі мақсаты – қолданыстағы заңнамадағы құқықтық олқылықтарды жою және қаржылық (инвестициялық) пирамидаларды құру және жарнамалау үшін жауапкершілікті қатаңдату арқылы алаяқтық қаржы пирамидаларының кеңінен таралуына депутаттардың жедел ден қоюы болып отыр", – деді Мәжіліс депутаты Юрий Ли.

Заң жобаларында келесі өзгерістер қарастырылған:

  • қаржы (инвестициялық) пирамидаларын құру және басқару үшін санкциялардың жоғарғы шегін арттыру;
  • қаржы (инвестициялық) пирамидаларын жарнамалағаны үшін қылмыстық жауапкершілікті белгілеу;
  • сотқа дейінгі тергеп-тексеруді бастаған Ішкі істер органдарына немесе экономикалық тергеу қызметіне қаржылық (инвестициялық) пирамидаларды жарнамалау туралы қылмыстық істер бойынша тергеу жасауын айқындау;
  • қылмыстық іс-әрекеттерді әкімшілік құқықбұзушылықтардан ажырату;
  • жеке және заңды тұлғалардың ақшасы мен өзге де мүлкін осындай қызметті жүзеге асыруға құқығы жоқ тұлғалардың пайдасына тартуға қатысты қызметті жарнамалауға тыйым салу.

Оқи отырыңыз: Қаржы пирамидасының белгілері қандай және оған қалай алданбауға болады?


Түзетулер Қылмыстық кодекске, Қылмыстық іс жүргізу кодексіне, Әкімшілік құқықбұзушылықтар туралы Кодекске және "Жарнама туралы" заңға енгізіледі.

 

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары