Қара фильм онлайн фестивалінің деректі кинолары Алматыда "Арман" кинотеатрында көрсетіледі

Биыл Qara Film тәуелсіз деректі фильмдердің онлайн фестивалі 30 қыркүйек пен 9 қазан арылығында өтеді. Кинолар фестивальдің ресми сайтында онлайн, тәулігіне – бір фильм форматында көрсетіледі. Алматы қаласындағы санитарлық-эпидемиологиялық жағдай ескеріле отырып, 23-28 қыркүйек аралығында "Арман" кинотеатрында болатын көрсетілімдердің әрқайсына тек 100 көрермен ғана кіре алады. 

Көрермен назарына үздік 10 деректі фильм ұсынылып отыр:

• "Жақындасу";
• "Әулие әке";
• "Секономика";
• "Әлі де өзіңе ғашықпын";
• "Қаңғыбастар";
• "Бағбан";
• "Өлместің күні (Өлтірмес)";
• "Өзіміздің жігіттер";
• "Құпия агент";
• "Мен мінген пойыз".

Бұл фильмдер Чили, Түркия, Швеция, Германия, Норвегия, Финляндия, Грузия, Бельгия, АҚШ және Румыния елдерінің туындылары. Фильмдердің бәрі түпнұсқа тілінде қазақша және орысша субтитрлармен көрсетіледі. Қайталама онлайн-көрсетілімдер болмайды.

Оқи отырыңыз: Деректі киноның тәуелсіз фестивалі. Үздік фильмдерді тегін тамашалаңыз