Қаңтарда Қазақстан мен Сейшел аралдары арасында тікелей рейс ашылады

Елдер арасында аптасына 7 тұрақты рейсті орындау құқығына ие болды.

2022 жылдың 27 қыркүйегі мен 7 қазаны аралығында Монреаль қаласында өтіп жатқан халықаралық азаматтық авиация ұйымы ассамблеясының 41-ші сессиясы шеңберінде қазақстандық делегация Сейшел аралдары Республикасының авиациялық билік орындарымен келіссөздер жүргізді, деп хабарлайды ҚР ИИДМ баспасөз қызметі.

"Азаматтық авиация комитетінің төрағасы Талғат Ластаев пен Сейшел аралдары Республикасының көлік министрі Энтони Дерьякуес кездесуі барысында Қазақстан мен Сейшел аралдары арасындағы тікелей әуе қатынасы мәселелері және оны одан әрі даму жолдары талқыланды", – делінген хабарламада. 

Келіссөздер қорытындысы бойынша тараптар тарихта алғаш рет меморандумға қол қойды. Оған сәйкес екі елдің тағайындалған тасымалдаушылары әр тараптан әуе кемесінің кез келген түрімен елдер арасында аптасына 7 тұрақты рейсті орындау құқығына ие болды.


Оқи отырыңыз: Қазақстан мен Сауд Арабиясы арасында аптасына 14 рейс жасалады


Министр Энтони Дерьякуестің айтуынша, "Эйр Сейшел" ұлттық авиакомпаниясы қол қойылған құжат негізінде келесі жылдың қаңтарында Виктория – Алматы бағыты бойынша елдеріміз арасында тікелей рейс ашуды жоспарлап отыр.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Популярное в нашем Telegram-канале

Серіктестер жаңалықтары