Қаңтарда өткен ҰБТ-да қанша үміткер 130-дан жоғары балл жинады

Ұлттық тестілеу орталығы қаңтарда өткен ұлттық бірыңғай тестілеу сынағында үміткерлердің қаншасы қандай балл жинағанына талдау жасады. 

130-139 балл аралығындағы ең жоғары көрсеткішке тек 72 адам ғана ие болған. Ал 110-129 балл аралығындағы нәтижеге тек 3,8 мың адам қол жеткізген. 

Ал бұдан төмен көрсеткіштерге қол жеткізгендердің үлесінде аса үлкен айырмашылық жоқ:

• 90-109 балл: 16 мың адам;
• 76-89 балл: 20,9 мың адам;
• 70-75 балл: 11,9 мың адам;
• 60-69 балл: 22,4 мың адам;
• 50-59 балл: 23,1 мың адам.  

Оқи отырыңыз: Қаңтарда өткен ҰБТ-дағы ең үздік нәтиже иелері математиканы бейіндік пән ретінде таңдаған

Ал шығармашылық емтиханда 459 үміткер тіпті 10 балл да жинай алмаған. Ал толық 30 балл жинағандардың саны – 11:

• 0-9 балл: 459 адам;
• 10-19 балл: 7,5 мың адам;
• 20-29 балл: 4,6 мың адам;
• 30 балл: 11 адам.