Астана қаласының қылмыстық істер жөніндегі ауданаралық соты полиция қызметкеріне пара бермекке оқталған азаматқа қатысты үкім шығарды.
Ю. есімді азамат жол жүру ережесін бұзып, жазадан құтылуы үшін полицияға 6 мың теңге пара ұсынған. Ол ақшаны полиция көлігінің орындықтарының арасына салады.
Айыпталушы сотта өз кінәсін толық мойындап, оған өмір бойына мемлекеттік қызметте қызмет атқару құқығынан айырыла отырып, 67 500 теңге мөлшерінде айыппұл түріндегі жаза тағайындалды.
"Сот жауапкершілік пен жазаны жеңілдететін мән-жайлар ретінде кінәні мойындауын, шын жүректен өкінуін, жас балаларының болуын және соттылығының жоқтығын таныды. Жауапкершілік пен жазаны ауырлататын мән-жайлар анықталған жоқ", – делінген сот хабарламасында.
Оқи отырыңыз: "Ертіс орманы" басшысы пара алды деген күдікке ілінді
