Павлодар тұрғыны атаулы әлеуметтік көмек аламын деп мемлекетке қарыз болды

Көпбалалы ана мемлекетке 670 мың теңге қайтаруы тиіс.

31 арнаға шағымданған Павлодар облысының тұрғыны, көпбалалы ана Сайрагүл Молдабай мемлекеттен 2019 жылы атаулы әлеуметтік көмек алған. Бірақ, үйдегі отағасы жұмысқа жарамсыз болғандықтан, тек жәрдемақымен 7 баланы асырау қиынға соғады. Соған байланысты ол жұмыс істеуге мәжбүр болған. Кейін жергілікті әкімдік Сайрагүлді табысын жасырды деп айыптап, көмекті көп ұзамай тоқтатады да, мемлекеттен алған 670 мың теңгесін мойнына қарыз қылып іліп қойған.

Бірер күн бұрын оған әкімдіктен 2019 жылы мемлекеттен алған атаулы әлеуметтік көмекті түгел қайтару қажеттігі туралы хат келді. 7 баласы мен инсульттан соң жұмысқа жарамсыз күйеуін бағып отырған әйел енді 670 мың теңгені қайдан табамын деп налып отыр.

"Менің кінәм не сонда? Мына мүгедек қызды сенің отбасыңа табыс кіріп отыр дейді. Жатқан түрі мынау. Бір түгіл екі мүгедек бағып отырмын", – дейді Сайрагүл Молдабай.


Оқи отырыңыз: Бір балаға – 20 теңге. Қарағандыда төрт балалы отбасы 122 теңге атаулы әлеуметтік көмек алды


Ақсу қаласының әкімдігі Сайрагүл Молдабай атаулы әлеуметтік көмекті алып жүрген уақытта жұмысқа шығып, табысын жасырғысы келгенін айтады. Сондықтан, қалай да қарызды қайтаруына тура келетінін меңзеді.

"Бұл кісі жұмыс істедім деп айтқан жоқ. Бала күтімімен жүргенін айтты. Түсініп отырмыз, оңай емес", – дейді Ақсу қаласы әкімінің орынбасары Балтабай Қаппасов.

Көп балалы ананың арызын естіген Ақсу қаласы әкімінің орынбасары дегенмен бұл мәселені шешуге уәде етіп, көпбалалы ананы сотқасүйремейтінін жеткізді. Сондай-ақ, демеушілілер тарапынан көмек көрсетілуі де мүмкін.

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Серіктестер жаңалықтары