Қорға жиналған қаражат мұғалімдерге үстемеақы төлеуге жұмсалады.
Өзбекстандағы мемлекеттік мектептерде директор қоры құрылады, деп хабарлады UzA ақпарат агенттігі.
Қор қаражаты мектептің оқу-тәрбие процесіне үлкен үлес қосып, өз мамандығына адалдық пен бастамашылдық танытқан кәсіби деңгейі жоғары дарынды ұстаздарға жалақыға қосымша ақы төлеуге арналған.
"Мектеп қызметкерлеріне директор қорынан ай сайынғы үстемеақы және басқа да ынталандыру шараларын тағайындау туралы шешімді мектеп жанындағы арнайы комиссия құрамы қабылдайды. Бұл ретте халыққа білім беру бөлімдері мектеп жанындағы арнайы комиссияның қызметіне және олар қабылдаған шешімдерге араласпайды" делінген ақпарат агенттігінің хабарламасында.
Оқи отырыңыз: Мектеп директоры қай жағдайда екі есе жалақы алады? Оқу-ағарту министрлігінің жауабы