7 маусым 2023, 17:37

Нұрсұлтан Назарбаевтың кеңсесі қайта құрылымдалады

Қаз Qaz قازاق

Кеңсені қаржыландыруға үш жыл ішінде 5,6 млрд теңге бөлінген.

Тұңғыш президент Нұрсұлтан Назарбаевтың кеңсесі қайта құрылымдау сатысында, деп хабарлады мәжіліс кулуарында қаржы министрі – премьер-министрдің орынбасары Ерұлан Жамаубаев.

"Қызметкерлердің бір бөлігі басқа ұйымдарға ауысады, бір бөлігі қысқарады. Кеңсе бұрынғыдай болмайды. Ол қайта құрылымдау сатысында. Бір жарым айдың ішінде мәселе толықтай шешіледі деп ойлаймын", – деді Ерұлан Жамаубаев.

Министрдің айтуынша, кеңсені қайта құрылымдау нәтижесінде шамамен 2-3 млрд теңге үнемделеді. Алайда министр бұл қаржының қайда бағытталатынын нақтыламады.

Оқи отырыңыз: Назарбаевтың туыстарына тіл тигізгені үшін салынған айыппұлдар қылмыстық кодекстен алынып тасталады

Айта кетейік, кеңсені қаржыландыруға үш жыл ішінде 5,6 млрд теңге бөлінген.