Шерхан Аймахан өмір бойына сотталды.
Шымкентте 21 жастағы Нұрай Серікбайдың өліміне қатысты қылмыстық іс бойынша сот үкімі шықты. Сот айыпталушы Шерхан Аймаханды өмір бойына бас бостандығынан айыру жазасына кесті.
Бұған дейін мемлекеттік айыптаушы да соттан айыпталушыға өмір бойына бас бостандығынан айыру жазасын тағайындауды сұраған болатын.
13 тамызда жарияланған сот үкіміне сәйкес, Шерхан Аймахан:
- Қылмыстық кодекстің 99-бабы 2-бөлігінің 5-тармағы – аса қатыгездікпен адам өлтіру;
- 125-1-бабы – некеге тұруға мәжбүрлеу;
- 115-1-бабы – сталкинг бойынша кінәлі деп танылды.
Сот шешімімен ол өмір бойына бас бостандығынан айырылды.
Үкімге сәйкес, сотталушы жәбірленуші тарапқа 25 миллион теңге көлемінде моральдық өтемақы төлеуге міндеттелді.
Оқи отырыңыз: Нұрай Серікбайдың өлімі: жәбірленуші және айыпталушы тараптың адвокаттары сотта сөз сөйледі