24 шілдеде синоптиктер Астана қаласы мен Қазақстанның барлық облысында дауылды ескерту жариялады. Елдің басым бөлігінде жаңбыр, найзағай, бұршақ және желдің күшеюі күтіледі.
"Қазгидрометтің" мәліметінше, солтүстік, орталық, шығыс және оңтүстік-шығыс өңірлерде жаңбыр жауып, найзағай ойнайды. Кей жерлерде нөсер жаңбыр, бұршақ және тұман болжанады.
Астана мен Алматыда өткінші жаңбыр жауып, найзағай күтіледі. Алматының таулы аймақтарында нөсер жаңбыр, бұршақ түсіп, желдің екпіні секундына 25 метрге дейін жетуі мүмкін.
Елдің оңтүстігінде аптап ыстық сақталса, Маңғыстау облысында ауа температурасы +42 градусқа дейін көтеріледі. Ақтөбе, Атырау, Батыс Қазақстан және Қостанай облыстарының бірқатар аудандарында да +35…+39 градус ыстық күтіледі.
Сонымен қатар көптеген өңірде жоғары және төтенше өрт қаупі сақталады.