Мектептерді лифтпен жабдықтау мәселесі шешімін табады

Алайда оқу министрі мүмкіндігі шектеулі балалар үшін білім беру мазмұнын жақсарту лифттен де өзекті болып отырғанын айтты.

Оқу-ағарту министрі Асхат Аймағамбетов Информбюро порталының тілшісінің сауалына берген жауабында мектептерді лифт, пандустармен жабдықтау туралы пікір білдірді. 

"Бізде мектеп неше қабатты болса, соған байланысты арнайы бекітілген нормалар бар. Салынып жатқан мектептер де негізінен осы нормаларға сәйкес. Бірақ, қазіргі уақытта ерекше білімді қажет ететін балаларға тиісті жағдай жасау мәселесі біз үшін ең өзекті мәселе болып отыр. Сондықтан қазір пандус, лифт және басқа балаларды көтеруге арналған құрылғыларды сатып алып, оларды қолжетімді ету мәселесі қарастырылып, шешіліп жатыр", – деді Асхат Аймағамбетов.


Оқи отырыңыз: Депутаттар "жайлы мектептерде" лифт орнатуды естен шығармауды тапсырды


Сонымен қатар, министр білім беру мазмұнын осы балаларға қолжетімді ету мәселесі лифт пен пандустардан маңызды екенін атап өтті.

"Ол арнайы бағалау жүйесін, дефектологтардың, арнайы педагогтердің дайындық мәселелерін шешуді, жалпы балалардың инклюзивті ортада, басқа балалармен бірге оқу мүмкіндігін қамтамасыз етуді қажет етеді. Бұл жұмыстар біз үшін үлкен маңызға ие", – деді министр.

Еске салайық, Мәжіліс депутаттары өткен аптада Индустрия және инфрақұрылымдық даму министрінің атына жолдаған депутаттық сауалында мектептерді жобалау кезінде лифт орнатуды талап етпеу заңға қайшы және мүгедектігі бар оқушылардың құқықтарын шектеу екенін айтқан болатын. Мәжілісмендердің сөзінше, лифт орнату Қазақстан Республикасының құрылыс нормаларында көрсетілген. Алайда, жобаларды сараптау кезінде ол талап ескеріле бермейді.  

Читайте новости без рекламы. Скачайте мобильное приложение informburo.kz для iOS или Android.

Поделиться:

 Если вы нашли ошибку в тексте, выделите её мышью и нажмите Ctrl+Enter

 Если вы нашли ошибку в тексте на смартфоне, выделите её и нажмите на кнопку "Сообщить об ошибке"

Серіктестер жаңалықтары