Медициналық әлеуметтік сақтандыру қоры 2024 жылға арналған медициналық көмекті сатып алу процесінің басталғанын хабарлады.
2024 жылға арналған медициналық қызметтердің көлемін бөлуді медициналық әлеуметтік сақтандыру қоры жүзеге асырады. Бөлуге қатысуға медициналық көмектің мемлекеттік кепілдік берілген көлемі мен міндетті медициналық сақтандыру жүйесінде медициналық көмек көрсетуге өтініш білдірген денсаулық сақтау субъектілерінің дерекқорына енгізілген медициналық ұйымдар шақырылды.
"2024 жылға екі пакет бойынша медициналық қызметтерді сатып алу жоспары 2,8 трлн теңгеден асады, оның 1,2 трлн теңгеден астамы міндетті медициналық сақтандыруға тиесілі", – деп хабарлады қор.
2024 жылға арналған медициналық көмектің мемлекеттік кепілдік берілген көлемі және міндетті медициналық сақтандыру бойынша көрсетілетін қызметтердің жоспарланған көлеміне өтінімдер 2023 жылғы 11-12 желтоқсанға дейін қабылданады. Денсаулық сақтау субъектілері медициналық қызметтерді сатып алуға өтінімді веб-порталда бере алады. Сонымен қатар, портал нақты аймақтарға арналған хабарландыруларды жариялады.
Оқи отырыңыз: МӘМС мифтері. Денсаулық сақтау жүйесі туралы не білуіңіз керек?
