Маңғыстауда 8 наурызға орай әйелдерге 15 мың теңгеден беріледі

8 наурыз – халықаралық әйелдер күніне орай өңірдегі 14 мыңға жуық әйелге 15 мың теңге беріледі. Бір реттік әлеуметтік төлем Маңғыстау облысы бойынша қалалық және аудандық мәслихат шешімдеріне сәйкес бекітілген, деп хабарлады otpannews.kz.

"Алтын алқа" және "Күміс алқамен" наградталған немесе бұрын "Батыр ана" атағын алған, І және ІІ дәрежелі "Ана даңқы" ордендерімен наградталған көпбалалы аналарға жылына бір рет 15 мың теңге мөлшерде әлеуметтік көмек қарастырылған. 2026 жылы бұл көмекті алушылар саны 14 мыңға жуық деп есептеліп отыр", – деді облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Гүлмира Мамаева. 

Әлеуметтік төлем жылына 1 рет беріледі. 

Биылғы төлем – наурыз айында жүргізіледі.