Тікелей эфир

Қажылық 2024: Рұқсатсыз қажылық жасағандарға айыппұл салынып жатыр

Қажылық ережелерін бұзғаны үшін 10 000 саудиялық риал (2 666 АҚШ доллары) айыппұл салынады.

Сауд Арабиясы Корольдігінің қоғамдық қауіпсіздік қызметі қажылық тәртібін бұзып, рұқсатсыз қажылық парызын өтеген қажыларға айыппұл сала бастады, деп хабарлады Мuftyat.kz.

“Қажылық жасауға және рұқсатты заңсыз алуға тыйым салу саясаты қамтылған аймақтарға Мекке қаласы, орталық аймақ, қасиетті жерлер, Харамайн теміржол станциясы, бақылау-өткізу пункттері, тексеру орталықтары және уақытша бақылау бекеттері кіреді. Ереже 2024 жылғы 20 маусымға дейін күшінде болады”, – делінген Мемлекеттік ақпарат агенттігінің мәліметінде.

Мүфтияттың мәліметінше, кез келген адамға – азаматтар, тұрғындар немесе келушілерге қажылық ережелерін бұзғаны үшін 10 000 саудиялық риал (2 666 АҚШ доллары) айыппұл салынады, ал азаматтығы жоқтар өз елдеріне депортацияланады және белгілі бір мерзімге дейін Корольдікке қайта кіруге тыйым салынады. Сонымен қатар қажылық тәртібін бұзғандарды рұқсатсыз тасымалдап жүрген кез келген адам 6 айға дейін бас бостандығынан айырылып, 50 000 риалға дейін (13 328 АҚШ доллары) айыппұл төлейді және тасымалдауға пайдаланылған көлігі тәркіленеді.

Айта кетейік, қоғамдық қауіпсіздік егер заң бұзушы резидент болса, ол жазасын өтегеннен кейін депортацияланатындығын және заңға сәйкес белгілі бір мерзімге дейін Корольдікке қайта кіруіне тыйым салынады. Тасымалданған адам санына байланысты тәртіп бұзушыларға салынатын айыппұл мөлшері өседі.

Бұл мақала сізге пайдалы болды ма?
0

  Егер мәтінде қате болса, оны белгілеп, Ctrl+Enter батырмасын басыңыз

  Егер мәтіндегі қатені смартфонда көрсеңіз, оны белгілеп, «Қатені хабарлау» батырмасын басыңыз

Серіктестер жаңалықтары