Қазақстанның бас мешітінің күмбезі мен есіктері Гиннесс рекордтар кітабына енуі ықтимал

Астана қаласында биыл ашылған Қазақстанның бас мешітінің күмбезі мен есіктері Гиннесс рекордтар кітабына енгізілуі мүмкін. Бұл туралы ҚМДБ Мешіт істері бөлімінің меңгерушісі Марат Жаппасбаевтың "Иман" діни-танымдық берген сұхбатында айтты. 

Бас мешіт әлемдегі ең ірі 10 мешіттің қатарына кіреді. 

"Үлкен кілем ортасындағы диаметрі 70 метр болатын медальон және биіктігі 83,2 метр, ал диаметрі 62 метрді құрайтын негізгі күмбез Гиннестің рекордтар кітабына енуі мүмкін. Төрт мұнарасының әрқайсысы 130 метрге дейін жетеді. Соның ішіндегі "Туристік мұнара" мешітке келуші жамағаттың елорданы биіктен көруіне мүмкіндік береді. Биіктігі 12 метрден асатын, салмағы 1,5 тонна тартатын есіктер де Гиннестің рекордтар кітабына енуі ықтимал", – деді Марат Жаппасбаев.

Оның айтуынша, мешіттің қақпасы, яғни, үлкен есіктері тропикалық Африкада өсетін ироко деген ағаштан әзірленген. Бұл ағаштың ерекшелігі қысы-жазы бір күйді ұстап тұрады, ешқандай деформацияға ұшырамайды.

Оқи отырыңыз: 

• Нұрсұлтан Назарбаев елордада Қазақстанның бас мешітін ашты
• Қанат Қыдырмин республикалық бас мешіттің имамы болып тағайындалды